Zindagi.. ek safar..!!

naye safar par, naye dagar par
rakhe the meine kadam
manjil thi samne, sapne the aankhon mein
tha naya josh, naye umang.

uss naye subah ki naye roshni mein
the mein yun magan
ki chalti gaye rahon par
bina soche hurdam
rukh badla zindagi ne
phir manzil badle, rahein badle
thi na mujhe koi khabar
ki ja rahe the kis aur mere ye kadam

Naye sapno mein yun dhali,
jaise yehi the mere liye.
soche na pal bhar bhi,
bas banaa liya unhe apna.
na tha koi shikhwa koi gum
kyunki mana tha unhe apna
apne se badhkar sanam

bhul gayi thi ki iss zindagi ki raahein
yun aasan kab hoti hai
aaya ek sailaab phir,
aur chod gaya tanha mujhe
inn anjaani raahon mein

tut gaya dil, bikhar gaye mein
ab na tha koi armaan na koi umang
bas ye aankhen the meri nam.

tamanna na the tab jeene ki
murjhaya tha mera har pal
phir kaha zindagi ne
"aao phir dikhaun tumhe kuch naye rang"

Haath thama samay ka meine
diya phir zindagi ne saath

aaj phir ek naya safar hai, naye dagar hai
manjil hai saamne, sapne hain aankhon mein
hai naya josh aur naye umang!!!!

Just a thought!!

Iss kadar bassa le tu mujhe apne aankhon mein
ki jab bhi dekhun mein aaina(mirror)
Tera hee, bas tera hee aks(reflection) nazar aaye!!!

Iss kadar chupa le tu mujhe apne seene(chest) mein
ki sharma jaaye wo baadal bhi
jo lete hain chand ko
har waqt apne aagosh mein!!!

......Ek Ehsaas......

Maanga tha tujhe meine apne har ek duaon mein

Chaha tha ki hamesha ek ho hum phir kitne he rode hon aage rahon mein.

Kabhie khwab mein bhi na socha tha ki hamari raahein yun juda honge

tera deedar to dur tere aawaz se bhi yun dooriyan honge.

Abhi to udaan bhari thi humne apne ek kshitiz ki taraf

Abhi to mila tha saath tera lagi ye Zindagi khoobsurat bahut.

Phir kyun pal bhar mein hee tut gaye mere ye saare sapne

phir kyun badal gaye itne jaldi yun kshitij apne.

Mushkil to bahut hai tujhe bhool pana

par utna hee mushkil hai ab tujhe yaad rakhna

In ankhon se na ek bhi ashq mein ab girne dungi

Dil mein to rahegi ek kasak se hamesha

par lawzon mein ye dard kabhie na mein aane dungi

My First Lines!!

Iss dil ke dhadakne mein aaj ek tadap mehsus ki hai meine,

Tujhse kuch kehne mein aaj ek jhijhak mehsus ki hai meine

Tu dur hokar bhi mere sabse kareeb tha

phir kyun aaj tujhse yeh doorie mehsus ki hai meine.